travée

Travée, f. penacut. Est l'espace et longueur d'un plancher entre le mur et la poultre, ou entre deux poultres, ou entre deux murs, tant que la solive de convenable longueur s'estend, Contignatio, aut potius Tignatio, Selon ce on dit, un corps d'hostel, ou granche, de trois ou plusieurs travées, et, Il a vendu une travée de maison. En aucunes contrées de France on l'appelle Espace, et aux villages Chaas, et contient XII. pieds de large, c'est du long de ses solives dans oeuvre, et de XIX. à XX. pieds de long, qui est du traict de la poultre qui porte lesdites solives, et est la travée la mesure par laquelle sont mesurez les edifices planchées en leur longueur et estenduë, ainsi dit on une maison de deux, trois, quatre travées, AEdes quae duabus, tribus, quatuor contignationibus huiusmodi constant, quae in duas, tres, aut quatuor contignationes protensae sunt, Le mot est prins du Latin Trabes, comme dit Festus, Quando duo tigna sunt compacta, b verso in v, comme en feve de Faba, Car on l'escrit mal febve. J'ay dit Travée estre mesure d'edifices en longueur. Car pour la hauteur et profondeur d'iceux, qu'on dit de fonds en comble, on use du mot Estage, qui vient de {{t=g}}stéga{{/t}} Grec, que les Latins disent aussi Contignatio Liuius lib. 21. voyez Estage, En ceste sorte n'est la travée de l'entiere longueur de la solive car le demi pied de portée de chacun bout de la solive en est hors et ne faut compter les pieds de longueur d'icelle solive, si n'est de ce qui en est dans oeuvre, et hors les portées, lesquelles ostées la solive de sa deuë longueur de treze pieds, revient à douze pour modelle de la mesure d'icelle Travée.

Thresor de la langue françoyse. Jean Nicot.